400 كم في 5 دقايق بس!
ثورة في شحن العربيات الكهربائية….
أسهم شركة BYD الصينية طارت لفوق بعد ما أعلنت عن تقنية جديدة اسمها “Super e-Platform”، واللي بتقول إنها تقدر تشحن العربيات الكهربائية بسرعة شبه ملء تانك البنزين في العربيات العادية.
التقنية دي بتسمح للعربية تمشي 400 كم بعد شحنها بس لمدة 5 دقايق، وده يعتبر طفرة جامدة في عالم العربيات الكهربائية.
رئيس مجلس إدارة الشركة وانغ تشوانفو صرّح يوم الاتنين إن البطارية الجديدة ونظام الشحن المبتكر وصلوا في الاختبارات لمسافة 470 كم في 5 دقايق بس لما جربوها على موديل “Han L” السيدان الجديد.
علشان يضمنوا نجاح التقنية دي في الصين كلها، BYD ناوية تركّب أكتر من 4000 محطة شحن فائق السرعة، لكن لسه ما أعلنتش عن الجدول الزمني أو تفاصيل تمويل المشروع.
في المقابل، تسلا الأمريكية عندها أحدث شاحن فائق بقدرة 500 كيلوواط، وبيشحن العربية عشان تمشي 270 كم في 15 دقيقة.
أما مرسيدس بنز الألمانية، فكانت أعلنت الأسبوع اللي فات إن عربيتها الكهربائية CLA هتقدر تشحن 325 كم في 10 دقايق.
السباق بقى مولع بين الشركات، وBYD شكلها داخلة بقوة في المنافسة!
